معرض(لقد مرت هذه الفعالية)

الموضوع:
النوع:
التاريخ:
٣٠ مايو، ٢٠١٥ ٥:٠٠ – ٩:٠٠ مساءً
تنظمها: بيروت
المكان: مدى مصر
العنوان: 12Aابي إمامه ش, الدقي أ، الجيزة
الموقع الالكتروني: https://www.facebook.com/events/1664294907135257/



مدرسة الخيال عمرها ٨ شهور. تجربة ساهم فيها مجموعة من الأفراد والمؤسسات كان غرضها الأساسي دراسة أشكال التنظيم من منظور قيمي. احنا كمان مكناش فاهمين في الأول يعني ايه "قيمي". اشترك فيها ٩ مشاركين كرسوا وقتهم طول الفترة دي للدراسة النظرية والمحاولة العملية لفهم .. احم .. بشكل أساسي، المؤسسات ووجودها على أرض الواقع كان سؤالهم الملح الدايم ليه العالم مش قادر يتخيل مجتمع مختلف؟ ليه صورة المؤسسات وشكلها ثابت في دماغنا؟ وهل ممكن أي تغيير يحصل باستعمال نفس اللغة المؤسسية؟ وهل لا بد من اعادة تطويع اللغة؟ اكتشف المشاركات والمشاركين من خلال مدرسة الخيال ان خيالهم في حد ذاته محدود بعوائق الوقت وصعوبات التواصل والخلفيات والأهداف والتوقعات المختلفة. فشلوا أحيانا ومن خلال احباطهم كمجموعة وكأفراد ابتدوا يلاقوا تراكمات معرفية وشخصية -بالنسبة لهم- تستحق المشاركة والدراسة.

نحب ندعوكم تشاركونا أجزاء من تجربتنا وشظايا أفكارنا اللي اتشكلت على مدارالرحلة. الأعمال اللي هتتعرضوا لها سواء نصوص أو صور أو أصوات أو فيديو أو أنشطة تفاعلية ونقاشات حية في مجملها أعمال غير مكتملة وغيرشاملة وغير كاملة الطهي بالظبط زي تجربتنا. بتعكس تأملاتنا الفردية ومحاولاتنا الجماعية للتحليل والنقد اللي بيبدأ بينا كمجموعة و بيمتد لمجموعات ومؤسسات وممارسات احتكينا بيها.

نستقبل الضيوف من 6 مساءا ل 10 مساءا،
تعالوا شاركونا غروب الشمس الجميل من فوق السطوح.

العنوان: 1071 ش كورنيش النيل – جاردن سيتي – بجوار السفارة الايطالية.

الدخول من مطبخ مدى مصرفي الدور الرابع.