فطار رمضان في مجاورة الخليفة 
يوم الخميس - 2 يوليو – 15 رمضان 
الساعة 6 مساء

السنة دي هنتجمع في رمضان لأول مرة في الخليفة، هنتعرف على شارع الخليفة ونفطر مع بعض.

هانعرفكم كمان على برامج التنمية اللي مبادرة الاثر لنا بتعملها بالشراكة مع مجاورة وأهالي الخليفة هناك واللي بيركزوا على 5 محاور: التعليم والصحة وتنمية القدرات وإدارة المخلفات وأخيرا الترويج السياحي المتمثل في الفعالية السنوية (اقضي يومك في الخليفة).

(اقضي يومك في الخليفة) مش بس فعالية للترويج السياحي للشارع وآثاره وحكاياته، دي كمان من أهم قنوات الترويج وجمع الدعم لبرامج التنمية اللي شغالين عليها في الخليفة.

السنة دي بدأنا حملة جمع تبرعات على موقع ذومال عشان (اقضي يومك في الخليفة 3) يطلع بأحسن شكل ممكن بمشاركة من كل المهتمين بأنشطتنا في الخليفة، لحد دلوقتي جمعنا حوالي ثلث المبلغ المطلوب، كل دولار هتتبرع بيه لحملتنا ذومال هاتقدم قدامه دولار تاني، وقدامنا فرصة لحد 15-7 بس عشان نلحق نجمع المبلغ المطلوب.

فطارنا السنة دي هتتحول إيراداته لحملة التمويل دي.
للمزيد من المعلومات عن حملتنا على ذو مال وتفاصيل الأنشطة اللي هانحقق بيها أهداف الفعالية ووسائل الدعم اللي ممكن تساعدونا بيها والهدايا اللي مستنيه الداعمين زوروا صفحتنا على ذو مال: www.ar.zoomaal.com/p/dayinkhalifa


برنامج اليوم:
٠٦:٠٠ - ٠٧:٠٠ جولة في آثار شارع الخليفة
٠٧:٠٠ - ٠٨:٠٠ الفطار 
٠٨:٠٠ - ٠٨:١٥ عرض عن الآثر لنا
٠٨:١٥ - ٠٩:٣٠ مزيكا وشاي وقهوة على الفحم

للتسجيل في الفطار ممكن تملوا الاستمارة دي:
https://docs.google.com/forms/d/1u6Ks3aqFAe07DnyQC4rjO8pIMP9jMHoUb9A351c8HC8/viewform

قيمة الاشتراك : 100 جنية للفرد

مكان الفطار: مجاورة الخليفة (مركز الخليفة الخدمي) 
http://goo.gl/lvAu0C

مستنينكم.