كيم (كريم محمد) شايف الدنيا كُلها عُبارة عن حيطة كبيرة مرسوم عليها جرافيتي، بدأ يرسم جرافيتي من اواخر سنة 2005، كان بيرسم على سكيتشات وورق صغير وعلى هدومُه وصل بيه الحال انه كان بيرسم على جزمته واكياس المناديل الصُغيّره !
لما سألنا كيم إمتى بدأت ترسم عالحيطان ؟! قال: من زمان وأنا برسم على جدران " أوضتي " وكانت والدتي دايماً تعاقبني، مع مرور الزمن وبعد الثوره مباشرةً بدأت انزل ارسم في الشارع وكانت بداياتي هي رسمه (عيش ، حريه ، عداله اجتماعيه)
شوف الرسمه من هنا: http://on.fb.me/19Sg4pq

كيم كمان كان من ضمن مجموعه اسمهم (أئتلاف شباب التشكيليين)
ونزل رسم معاهم اكتر من مره وفي يوم اتفقوا انهم هينزلوا يرسموا ولما راح اكتشف ان مافيش حد هيرسم والموضوع باظ بس هو قرر انه يرسم وكانت اخر رسمه له معاهم رسمة ( ثوره ) شوف الرسمه من هنا: http://on.fb.me/PryTLx

كيم كمان له اعمال فنيه كتير زي .. ثورتنا هتكمل، UA ، ومشاركته مع الفنانين في الرسمه الشهيره ( مسرح العرائس او الماريونيت ) 1 و 2، ودخل مُسابقة في اسكندريه وخد المركز التالت .. تقدروا تشوفوا كُل شُغلُه من هنا: http://on.fb.me/WDg489

كيم لما شاف الناس بتعبر عن إحساسها ورأيها بالكتابة عالحيطان قرر إنه يعمل ورشة يعلم الناس إزاي الكتابة دي تبقى فن يسر الناظرين، إن شاء الله كيم هيبتدي ورشة جرافيتي في بيت الرصيف يوم التلات 29 أكتوبر الساعة 5:00 مساءً

للتواصل مع كيم:
http://on.fb.me/Ovi4JZ

كيم عاملكم مُفاجأة في الورشة دي ;)


هتتعلم في الورشة دي :

- تعريف فن الجرافيتي والأدوات المُستخدمة
- قواعد فن الجرافيتي وتطورات الجرافيتي عبر الأزمنة
- التعرف على أشهر فنانين الجرافيتي في العالم
- التعرف على كتب عربية وأجنبية عن الجرافيتي
- كيفية إستخدام أدوات الرسم بطريقة سليمة
- تعليم رسم الـ 2D والـ 3D (سكتش وجدران)

هيتطلب منك تجيب أدوات للورشة في أول مُحاضرة

مُدة الورشة : 4 مُحاضرات
زمن المُحاضرة : ساعتين

مواعيد الورشة : يوم التلات من كُل إسبوع
هتكون فيه ورشتين واحدة هتبدأ الساعة الساعة 5 مساءً
والتانية هتبدأ الساعة 7:30 مساءً
بداية من يوم التلات 29 أكتوبر

سعر الورشة 100 جنيه.

إملا الإستمارة دي علشان تشارك في الورشة :
https://docs.google.com/a/elraseef.com/forms/d/1knYhgDEPA7qkycHuE76wAX7PKnxICEu1y5lABD7IWDk/viewform